أنا حر

أكد مصدر أمني بأن قوات الأمن اعتقلت اليوم الثلاثاء 87 من نشطاء حركة 6 أبريل وفضت بالقوة تظاهريتين إحداهما قرب المتحف المصري والأخرى أمام مجلس الشورى احتجاجا على الأوضاع السياسية وللمطالبة بالتغيير. وقال المصدر أن المتظاهرين الذين رددوا الهتافات المعادية للنظام وللرئيس حسني مبارك ، حاولوا الخروج من الطوق الأمني الذي فرضته حولهم قوات الأمن ما أدى إلى وقوع اشتباكات, وأضاف أن قوات الأمن طاردت المتظاهرين بعد الخروج من الكردون في شوارع وسط المدينة واعتقلت أغلبهم. وقال مركز هشام مبارك للقانون -أحد المراكز الحقوقية المشاركة في جبهة الدفاع عن متظاهري مصر- إن معظم المشاركين في المسيرة تم احتجازهم في 3 سيارات للترحيلات، السيارة الأولى تحتجز 10 متظاهرين أمام بيتزا هت بميدان التحرير، والثانية أمام مسجد عمر مكرم وتحتجز 17 متظاهرا، بينما تحتجز سيارة الترحيلات الثالثة، أمام جراج كايرو سنتر بجوار مجلس الشعب، 44 متظاهرا. وأفادت الشبكة أن بعض المعتقلين في سيارات الترحيلات يعانون إصابات بالغة من جراء ضربهم من الأمن أثناء عمليات الاعتقال. وفي ذات السياق، صادرت الشرطة عددا من كاميرات القنوات الفضائي

غدا بروفة نهاية 30 عاما من الجوع والفقر والمرض والفساد والوسطة والمحسوبية والطوارئ والتوريث والتمديد والتزوير غدا نتخلص من مباركة امريكا واسرائيل فالله معنا والذى نفسى بيدة لن نتراجع اما ان ننتصر او نموت     شكلت حركة شباب 6 أبريل غرفه عمليات خاصه لمتابعه سير مسيرة التحرير من ميدان التحرير إلي مجلس الشعب وتناشد حركة شباب 6 أبريل كافة المشاركين في الفعاليه يوم 6 أبريل 2010 متابعتها هاتفيا علي الأرقام التالية ، لتوضيح الوضع الأمني في الشارع  الي الحريه

قتحمت قوات من مباحث أمن الدولة منزل الطالبة مها الخضراوى الطالبة بكلية التجارة جامعة عين شمس وفتشتها تفتيشا دقيقا. فوجئت مها باتصال هاتفى تبلغها فيه امها باتحام عدد 2 من امن الدولة منزلهم وسؤالهم عن مكان مها وعندما نكرت الام معرفتها بمكان انتها تم دفعها بقوة نتج عنها كسر ايد الام كما قاموا بالاعتداء على اخيها الصغير. وقد تم تفتيش غرفة مها ومصادرة عدد من الكتب والاوراق الخاصة بها بالاضافة الى تهديد الام بانه سيتم القبض على مها وقد اعربت مها  عما حدث قائلة:-   مبارح 20-3 و بدل ما اجيب لماما هديه عيد الام جبتلها امن الدوله فى البيت كنت فى الجامعه عى زى اى يوم سبت و كنا شغالين فى التوقيعات عشان ال 3 بنود الموجودين فى الدستور لقيت ماما بتصل و منهاره و بتسال انا فين و باعمل ايه و مع مين المهم ان بعد كده حكت اللى حصل بالتفصيل هو دا الباب خبط – مين – انا صلاح (البواب) – فتحت قام اتنين ظباط مسلحين زقو الباب و دخلو يسألو فين مها قالتلهم مها مين؟؟ قالولها اسمى بالكامل – قالتلهم خرجت – فين – معرفش فى لشغل ولا فى الجامعه – فين شغلها؟؟ – معرفش فى مصر الجديده ولا فين – قامو خبطوها با

بدون تعليق فلا يوجد كلام يعبر عن الذل والهوان

أشهد الله العلى العظيم أنى براء من ذلك الجدار

الابيات دي كتبها الابنودي وغناها علي الحجار وهي بتعبر ادق تعبير عن الوضع الفاسد اللي بنعيشه وخصوصا الايام دي مع ان الكلام ده مكتوب من زياده عن 25 سنه الاغنيه مرفوعه بصوت علي الحجار ________________________________ الحزن محاوطكي.. وهمك تاعبكي...وليه مش قادرة تبكي الأعيان خانوكي.. سارقين طين أبوكي..لعدوك باعوكي.. ولإيد الزمن باعوكي وشافوكي..وهما بيدبحوكي..وضحكوا وفاتوكي..وقبضوا الثمن عرَوكي في ميدانهم..ولا واحد أدانهم...وعلَوا أدانهم..وبقالهم جرس جلادك محامي..وحاميكي حرامي...وبإيه ينفع كلامي يا ساكنة الخرس

امام الشيطان هل هو رجل جاهل او رجل لا يعلم ويتكلم في امور الدين والدنيا لا والله بل هو عالم ولكن ليس جليل بل ستصعق اذا علمت انه امامك الاكبر شيخ الازهر نعم والله لا اعلم علي اي شيء هو امام المسلمين وهو يسب كل شيء بلا استسناء اه والله كل شي وموضوعه الاخير هذا يحيرني وهو موضوعه الاستهذاء بالنقاب انا لن احكي ولن اتكلم عن الموضوع ولكن ستتكلم مشاهد الفيديو ولاكن اللذي اريد ان اعرفه لماذا ينافق الرجل وهو امام المسلمين الاكبر وليس من حق احد حتي رئيس الجمهوريه ان يعزله علي اي شيء يخاف هذا الشيخ الفاني لقد اساء الي كل المسلمين في العالم ووضعنا في موقف لا نحسد عليه فليس الان من حقنا ان ندافع عن النقاب في اي بلد من البلاد غير المسلمه هذه بدايه الموضوع ولكن لن اتكلم كثيرا فان الموضوع متشعب فهو ليس فقط مستهذأ بالنقاب بل استهذا ايضا بالطالبه التي ترتديه وقال لها بعد ان اجبرها علي خلعه ( امال لو كنتي حلوه شويه كنتي عملتي ايه) هذا هو امامنا الاكبر ومقاطع الفيديو تقول ما لم اقل

الكلام ده منتشر على النت وعلى معظم اجهزة الكمبيوتر يعنى مش من تأليفي ولا حاجة ياشعبي حبيبي ياروحي يابيبي ياحاطك في جيبي يابن الحلال ياشعبي ياشاطر ياجابر خواطر ياساكن مقابر وصابر وعال ياواكل سمومك يابايع هدومك ياحامل همومك وشايل جبال ياشعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ واخر انسطال احبك مكبر دماغك مخدر ممشي امورك كده باتكال واحب اللي ينصب واحب اللي يكدب واحب اللي ينهب ويسرق تلال واحب اللي شايف وعارف وخايف وبالع لسانه وكاتم ماقال واحب اللي قافل عيونه المغفل واحب البهايم واحب البغال واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محال واحبك تسافر وتبعد تهاجر وتبعت فلوسك دولار او ريال واحبك تطبل تهلل تهبل عشان مطش كوره وفيلم ومقال واحبك تأيد تعضض تمجد توافق تنافق وتلحس نعال تحضر نشادر تجمع كوادر تلمع تقمع تظبط مجال لكن لو تفكر تخطط تقرر تشغلي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز تطور وتعمللي روحك مفرد رجال ساعتها حجيبك لايمكن اسيبك وراح

اللى بيحصل في السنتين اللى فاتوا من اضرابات للعمال والموظفين بيأكد لى ان النهاية اصبحت وشيكة وكمان صحوتنا احنا كشباب نسينا الهجص اللى كنا فيهوبقينا نفكر ازاي نعمل حاجه علشان نخلص مصر من النظام ده . بدايه من مظاهرات الجامعه لغاية الدعوة لأضراب 4 مايو اللى منجحش بسب ضحكة ضحكها علينا النظام علشان الاضراب ميتمش طبعا عارفنها هي العلاوة المزعومةاللى بعد الاعلان عنها بيومين زودت الحكومة النظيفة اسعار البنزين والسولار والغاز وبالتالى المواصلات زادت ورغيف العيش الغير مدعم زاد الخ كانت حجه الحكومة هى علشان تجيب فلوس العلاوة طيب ما هو كده كأن مفيش علاوة هى دى حكومتنا الذكية المعزولة عن شعبها بقصد متعمد. المهم كده كفاية والنظام كده بيكتب بايده اخر صفحه قبل النهاية لأن النهايه مش هيكتبها الا احنا شباب البلد دي الامل فينا احنا والمستقبل لينا احنا ولو مكتبناش النهايه بسرعةهنعمل زى اجددنا وابائنا وقفوا يتفرجوا لغاية ما وصلونا للى احنا فيه دلوقت بيقولو كانو خايفين علينا وكانوا عايزين يكبرونا وخلاص ميعرفوش انهم كده جنوا عليناوضيعوا مستقبلنا مع مستقبل البلد لكن معلش الزمن اتغير وأدينا فهمنا