عشاق العبوديه

بعض من اقاويل  الخانعين وعشاق الراحه مع الجوع والفساد حاولنا نرد عليهم لعلهم يقطنعون  مع انهم مع كل ما رأوه من فساد واضح وضوح الشمس ما زالو يعشقون العبوديه



س بقى كفاية عشان البلد خربت!

( وهي ماكنتش خربانه ايام المخلوع انظر الاحصائيات وانت تعرف وشوف الاقتصاد كان عامل ايه)
بس بقى عشان عجلة الانتاج تشتغل!

( وهي لما عجلة الانتاج كانت شغالة عملت ايه؟ وظفت شبابنا؟ سكنت شبابنا؟ كنت عارف تعيش اصلا باقل دخل مواطن في العالم؟ كنت عارف تعيش وانت بتدفع ضرايب والضرايب دي بتروح للصفوة يصرفوها على سهرات...هم وحفلاتهم وانت مش لاقي تاكل؟)

بس بقى عشان البورصة!

( اهي دي بالذات احلى نكته تعرف ايه سيادتك اصلا عن البورصة؟ اظن معلوماتك انها مرات البورص
طبعا سيادتك ما تعرفش ان فلوس البورصة دي كانت بتتوزع ارباحها كلها والاسهم اصلا اللي فيها كانت ملك الحزب الوطني والعائلة المالكة الحاكمة الطاغية وانت مابتاخدش اي حاجة منها ولا بتستفيد)

بس بقى عشان السياحة تشتغل!

( اي سياحة؟ السياحة في شرم الشيخ؟ خلوه يطلع من هناك ويكون راجل وقد المسؤولية ويقف في المحاكمة ويقول انا ماسرقتش ولا قتلت ده لو عنده كرامة او شرف
لانه بوجوده في الشرم بيثبت للعالم كله انه حرامي وندل لو راجل اقف وواجه الناس دي كلها بنفسك لكن الجبن سيد الاخلاق عنده ...وبعدين السياح عندنا بيهتموا قوي بالاماكن الساحلية مش الاثار زي مالكل فاهم فياترى اصلا احنا اهتمينا بالشواطئ والاماكن الساحلية ولا لا؟)

طيب خلاص اقعدوا بقى وكل الحرامية هيتحاسبوا!

( نقعد ازاي؟ لما كل ما نهدد بمليونية القضاء بيتحرك ومطالب الثورة بتتنفذ هو انت عاجبك التطويل والمط والميوعة في المحاكمات دي؟ احنا مش بندور على فلوس يا اسيادنا نرجعها احنا بندور على عمر بلد انسرق منها بندور على حق الشهداء وحقك انت كمان احنا بندورلك عليه فبدل ما تلومنا لوم نفسك على قعدتك زي الصنم مش بتعمل حاجة غير انك تتريق علينا)

طيب يعني انتوا عايزين ايه؟

عدل حرية مساواة عدالة اجتماعية
عايزين مانحسش بالخوف في بلدنا
عايزين الشرطة تعاملنا باحترام والبلطجية تضربهم بيد من حديد
عايزين الشرطة تفرق بين المواطن والحرامي
عايزين ناخد رواتب ما نحوشش منها لا
عايزين بس رواتب نقدر نعيش بيها ونربي عيالنا ونعلمهم
عايزين نحس اننا مش بنتهان في بلدنا وبرا بلدنا
عايزين الرئيس والوزير والموظف الكبير يفهموا انهم بيشتغلوا عشاننا مش احنا بنشتغل عندهم
هدفنا كله ياسادة هو مصر وحب مصر ومن اجل مصر





تعليقات

إرسال تعليق

المشاركات الشائعة من هذه المدونة

امام الشيطان

امام الشيطان هل هو رجل جاهل او رجل لا يعلم ويتكلم في امور الدين والدنيا لا والله بل هو عالم ولكن ليس جليل بل ستصعق اذا علمت انه امامك الاكبر شيخ الازهر نعم والله لا اعلم علي اي شيء هو امام المسلمين وهو يسب كل شيء بلا استسناء اه والله كل شي وموضوعه الاخير هذا يحيرني وهو موضوعه الاستهذاء بالنقاب انا لن احكي ولن اتكلم عن الموضوع ولكن ستتكلم مشاهد الفيديو ولاكن اللذي اريد ان اعرفه لماذا ينافق الرجل وهو امام المسلمين الاكبر وليس من حق احد حتي رئيس الجمهوريه ان يعزله علي اي شيء يخاف هذا الشيخ الفاني لقد اساء الي كل المسلمين في العالم ووضعنا في موقف لا نحسد عليه فليس الان من حقنا ان ندافع عن النقاب في اي بلد من البلاد غير المسلمه هذه بدايه الموضوع ولكن لن اتكلم كثيرا فان الموضوع متشعب فهو ليس فقط مستهذأ بالنقاب بل استهذا ايضا بالطالبه التي ترتديه وقال لها بعد ان اجبرها علي خلعه ( امال لو كنتي حلوه شويه كنتي عملتي ايه) هذا هو امامنا الاكبر ومقاطع الفيديو تقول ما لم اقل
قراءة المزيد

في عيد الثورة (شعر من حسني مبارك اهداء الي شعب مصر)

الكلام ده منتشر على النت وعلى معظم اجهزة الكمبيوتر يعنى مش من تأليفي ولا حاجة ياشعبي حبيبي ياروحي يابيبي ياحاطك في جيبي يابن الحلال ياشعبي ياشاطر ياجابر خواطر ياساكن مقابر وصابر وعال ياواكل سمومك يابايع هدومك ياحامل همومك وشايل جبال ياشعبي اللي نايم وسارح وهايم وفي الفقر عايم وحاله ده حال احبك محشش مفرفش مطنش ودايخ مدروخ واخر انسطال احبك مكبر دماغك مخدر ممشي امورك كده باتكال واحب اللي ينصب واحب اللي يكدب واحب اللي ينهب ويسرق تلال واحب اللي شايف وعارف وخايف وبالع لسانه وكاتم ماقال واحب اللي قافل عيونه المغفل واحب البهايم واحب البغال واحب اللي راضي واحب اللي فاضي واحب اللي عايز يربي العيال واحب اللي يائس واحب اللي بائس واحب اللي محبط وشايف محال واحبك تسافر وتبعد تهاجر وتبعت فلوسك دولار او ريال واحبك تطبل تهلل تهبل عشان مطش كوره وفيلم ومقال واحبك تأيد تعضض تمجد توافق تنافق وتلحس نعال تحضر نشادر تجمع كوادر تلمع تقمع تظبط مجال لكن لو تفكر تخطط تقرر تشغلي مخك وتفتح جدال وتبدأ تشاكل وتعمل مشاكل وتنكش مسائل وتسأل سؤال وعايز تنور وعايز تطور وتعمللي روحك مفرد رجال ساعتها حجيبك لايمكن اسيبك وراح
قراءة المزيد