شعارات وهتافات الشعب يوم 25 يناير

هتافات كانت  طالعة من القلب وبكل حماس وحرقة  علي الفساد
كانت قبل الثورة و  وفيها وبعدها  مكنتش وليدة اللحظة ابدا
الثورة كانت حلم اتحقق   ولسه بنحلم بيه

___________________


يا مبارك غور غور…ملينا واقفة فى الطابور


يا سوزان قولى لإبنك…مصر هتبقى سجنه وسجنك


ثورة ثورة يا شباب على الاوضاع الهباب


بطل تمشي جمب الحيط…اصل سكوتك مش هيفيد

 

الاضراب مشروع مشروع…ضد الفقر وضد الجوع


لو دلوقتي قفلتوا عيونكم…الضحية الجاية عيالكم


يا أهالينا لموا علينا…احنا اخواتكو احنا ولادكو..واحنا بنعمل كدة عشانكوا



سامعين صوت الشعب الثاير…بيقول بس كفاية مذلة…نفس الصوت ال ف اسوان…بيقول شدي الحيل يا محلة


أرفعوا كل الرايات…شعبنا بيصرخ اهات


لن يكفينا شرف المحاولة…احنا شباب بنواجه دولة

 

يا ابو دبوره ونسر وكاب…انت اللي خلقت الإرهاب

 

هو مبارك عايز ايه…كل الشعب يبوس رجليه؟ لا يا مبارك مش هنبوس…بكرة الشعب عليك هيدوس

 

ثورة ثورة حتی النصر…ثورة فی کل حته فی مصر

 

يا مبارك افتح بابك انت محمي وسط كلابك

 

رحل ارحل زي فاروق…شعبنا منك بقى مخنوق

 

ولا عدلي ولا حبيب…ارحلوا يا كلاب التعذيب

 

اضربونا فی الشوارع صوتنا برده طالع طالع

 

لا لمبارك اب وابن…لا للعجلة والاستبن

 

ثورة ثورة حتى النصر…ثورة في تونس ثورة في مصر

 

يسقط يسقط حسني مبارك…اللي عنده تاري وتارك

 

فاتلك ايه يا بهية السادات لما مات؟ فاتلي عجل من المنوفية بيبني كباري و معتقلات

 

يابو دبورة ونسر وكاب…غاوي ليه قتل الشباب

 

 

تعليقات

‏قال gelem…
حرکتم العظیمة ( الثورة المصریه ) تشابه حرکتنا ( الثورة الاسلامیة فی إیران ) التی حدثت فی سنة ۱۹۷۹ المیلادیة وأدت الى هروب الدکتاتور الخائن من البلد وإستقلال البلاد وإکتفائه الذاتی من العالم کله والنهایة کانت أن نظاما إسلامی یحکم وطننا العزیز.

نحن بوصفنا شباب إیرانیون نساند شباب التونس حتى التحرر النهائی والاستقلال الکامل فی تونس العزیز. و ندعو من الله أن یهلک الظلمة والطواغیت وحکام الجور و بفضله إن شاء الله سینتهی قریبا حکم کل دکتاتور فی کل البلدان إسلامیة.

نصر من الله وفتح قریب وبشر المؤمنین
امين يا رب العالمين

وان تنصرو الله ينصركم

المشاركات الشائعة من هذه المدونة

امام الشيطان

في عيد الثورة (شعر من حسني مبارك اهداء الي شعب مصر)