شباب بتحب مصر

  • حبيبي .. - حبيبي يا مزيج الرضاب و الدموع يا انصهار المهج كـ الشموع يا درب أسيره دون رجوع لا تتركني لنفسي لا تتركني للظنون لا تتركني للاشتياق يشعل بقلبي الجن...
    قبل شهرين (2)
  • إلى. . حبيبي - اليوم يمر عامين كاملين على زواجنا .. فى الحقيقة حاولت البحث عن عبارات حب وكلمات ثناء أهديها اليك بهذة المناسبة لكننى تراجعت وفضلت أن أكتب كل ما يخطر ببا...
    قبل عام واحد
  • بيت الراحة - إذا كان ظنك يسيء إلى عقلك وبلدك حين يعتبر مصر خالية من حرية التعبير بلا مقصلة متربصة بعنقك الضعيف ، وبلا قوانين مطاطة في ظاهرها بياض حمامة السلام وباطنه...
    قبل 6 أعوام

بحث هذه المدونة الإلكترونية

الأحد، 21 مارس، 2010

إقتحام قوات أمن الدولة لمنزل طالبة بجامعة عين شمس بحثا عن توكيلات تأييد البرادعي

قتحمت قوات من مباحث أمن الدولة منزل الطالبة مها الخضراوى الطالبة بكلية التجارة جامعة عين شمس وفتشتها تفتيشا دقيقا.
فوجئت مها باتصال هاتفى تبلغها فيه امها باتحام عدد 2 من امن الدولة منزلهم وسؤالهم عن مكان مها وعندما نكرت الام معرفتها بمكان انتها تم دفعها بقوة نتج عنها كسر ايد الام كما قاموا بالاعتداء على اخيها الصغير.

وقد تم تفتيش غرفة مها ومصادرة عدد من الكتب والاوراق الخاصة بها بالاضافة الى تهديد الام بانه سيتم القبض على مها

وقد اعربت مها  عما حدث قائلة:-  

مبارح 20-3 و بدل ما اجيب لماما هديه عيد الام جبتلها امن الدوله فى البيت
كنت فى الجامعه عى زى اى يوم سبت و كنا شغالين فى التوقيعات عشان ال 3 بنود الموجودين فى الدستور
لقيت ماما بتصل و منهاره و بتسال انا فين و باعمل ايه و مع مين
المهم ان بعد كده حكت اللى حصل بالتفصيل هو دا
الباب خبط – مين – انا صلاح (البواب) – فتحت قام اتنين ظباط مسلحين زقو الباب و دخلو يسألو فين مها

قالتلهم مها مين؟؟ قالولها اسمى بالكامل – قالتلهم خرجت – فين – معرفش فى لشغل ولا فى الجامعه – فين شغلها؟؟ – معرفش فى مصر الجديده ولا فين – قامو خبطوها بالسلاح اللى فى ايديهم فوقعت على الكنبه و خبطو اخويا الصغير فى راسه و سالو فين غرفتى و دخلو فتشوها و حركو كل حاجه من مكنها و السراير و المكتب و كله
و اخدو ورق كان معايا فى شنطتى لاكتر من جهه
و قالولها هنجيبها يعنى هنجيبها
و سابوها فى حاله انهيار كامل و دراعها مكسوووور و مشيو
بعد شويه بابا عرف و كلم عمى ( هو ليه معارف كتييير فى امن الدوله و الاقسام ) و كلمو كل اقسام البوليس و المباحث الموجوده حوالينا لقو ان الامر مش من قسم من الاقسام و المباحث اللى فى اى منطقه حوالينا

مين دووووول؟
خدو الامر من ميييييييييين؟
ليه مش اخدونى انا على طول بدل الجو دا؟
اشمعنى انا و انا اصلا مش باعمل نص اللى بيعملوة ناس كتيييييييير؟
اللى عنده اى تفسير غير انه مجرد تهويش عشان يخوفونا و يخوفو الناس اللى معايا يقوله
بس على فكره عايزة اقول حاجه
مهما عملو انا هافضل اقول ان حره
و مش بخاف و هاعمل اللى انا عايزاه.





______________

ده كان كلام مها وده اللي حصلها  وده اللي هايحصل لكل واحد ينادي بالاصلاح والتتغيير
المهم ده ثمن الحريه يا تري هنخاف ولا هانكمل




Open in new window

هناك 4 تعليقات:

ماما أمولة يقول...

هذه هي الديمقراطية !!!!!

واحد من الناس يقول...

وهذا هو العهد السعيد اللذي نعيشه

متشكر علي الهتمام

أحمد شريف يقول...

حقيقة أنا رافض لهذا السلوك الذي تم تحت أي ظرف
وأدينه مثلك ومثل أي شخص قام به
لكن كذلك أدين سلوكك باستغلال الجامعة لممارسة نشاط سياسي
للأسف نلوم الغير وننسى أن نلوم أنفسنا
الجامعة لها قانون يجب أن يحترم
وقانون النشاط الطلابي ينص على الآتي
ممنوع ممارسة أي نشاط على أساس ديني أو فئوي أو سياسي أو طائفي داخل الحرم الجامعي .. وللأسف أنت انتهكت هذا القانون ومن ثم تلومين الغير

على فكرة أنا كنت أمين اتحاد الطلاب وكنت قائد منتخب الوزارة رغم أني عم والدي الشيخ الحويني لو تسمعي عنه

وكنت عضواص بالحزب الوطني وقيادة شبابية فاعلة فيه ورغم ذلك والله العظيم عمري ما أقحمت العمل الحزبي داخل الجامعة وفوزي بالإنتخابات مكنش لمخلوق غير الطلبة دخل فيه وربي شاهد على هذا
أنا احترمت القانون وسأحاسب على هذا أمام الله لذلك لم يستطيع أحد أن يضع اي ملحوظة علي
لكن للأسف أنت لم تحترمي القانون وتصونيه ومن ثم تلومي الغير على عد احترامه للقانون معك !
أمر عجيب

على كل حال يبقى درس لك .. افعلى واقتنعي بمن تريدي وشجعي من ترغبين فيه ولا حكر لأحد على هذا لكن من خلال الوسائل المشروعة
وتذكري قول الصحابي الجليل عثمان بن عفان رضي الله عنه
" حينما فسدت الرعية فسد الحاكم "

واحد من الناس يقول...

الاستاذ احمد شريف عميل حكومه مبارك الخاين
الجامعه من يومها وهي منبر الطلبه الثائرين
علي الاستعمار وعلي الحكم الفاسد
وستظل كذلك اما انت وامثالك
فالي مذبله التاريخ

ويكفي عليك هذا