شباب بتحب مصر

  • حبيبي .. - حبيبي يا مزيج الرضاب و الدموع يا انصهار المهج كـ الشموع يا درب أسيره دون رجوع لا تتركني لنفسي لا تتركني للظنون لا تتركني للاشتياق يشعل بقلبي الجن...
    قبل 8 أشهر
  • إلى. . حبيبي - اليوم يمر عامين كاملين على زواجنا .. فى الحقيقة حاولت البحث عن عبارات حب وكلمات ثناء أهديها اليك بهذة المناسبة لكننى تراجعت وفضلت أن أكتب كل ما يخطر ببا...
    قبل عامين (2)
  • بيت الراحة - إذا كان ظنك يسيء إلى عقلك وبلدك حين يعتبر مصر خالية من حرية التعبير بلا مقصلة متربصة بعنقك الضعيف ، وبلا قوانين مطاطة في ظاهرها بياض حمامة السلام وباطنه...
    قبل 7 أعوام

بحث هذه المدونة الإلكترونية

الثلاثاء، 28 ديسمبر 2010

فعاليات مؤتمر القلة المندسة الثالث.. إزاي هنغير مصر؟

يتحدث ضيوفنا الشباب ، عن رؤية كل مجموعة سياسية ينتمون إليها، للعمل خلال الفترة المقبلة، من أجل التغيير، ويتطرق الشباب إلي أهمية النزول إلي الشارع والتفاعل مع الناس وعدم الدخول في معارك جانبية لا طائل منها




مؤتمر القلة المندسة 2010-الشباب-شادي طه




مؤتمر القلة المندسة2010-الشباب-مصطفي النجار 

 

أ. حمدي قنديل - مؤتمر القلة المندسة 

 

مؤتمر القلة المندسة-الشباب-مصطفي شوقي 

http://www.youtube.com/watch?v=VFlftiEC2w4&feature=player_embedded 


تلخيص - حقائق وأرقام
  • مصر هتتغير لما نتخطي خلافاتنا الإيدلوجية وخلافاتنا التنظيمية
  • مصر هتتغير لما نتكلم مع رجل الشارع بالطريقة إلي هوه يفهمها عن قضاياه مش قضايانا

http://6april.org/anti-ndp/youth.html

 

الاثنين، 27 ديسمبر 2010

الجحش والحمار

الجحش والحمار  لعمنا احمد فؤاد نجم




الجحش قال للحمار *** يابا اديني الحنطور

يابا إنت سنّك كبر *** و وَجَب عليّا الدور..

.
كَـحّ الحمار كَـحة *** فزعِت لها الركاب


مش يابني بالصحة *** ده كل شئ بحساب


و سواقة الحنطور *** محتاجة حدّ حكيم


و إنت عينيك فارغة *** همّك على البرسيم


قوللي تسوق إزاي *** و التبن مالي عينيك


ده حتى حبل اللجام *** واسع يا إبني عليك


إعقل و بطّل طمع *** لا تسخّن الركاب


ماتجيش يا واد جنبهم *** لا تبقى ليلة هباب


دول صنف ناس جبّار *** قادر مالوهش أمان


يبان عليهم وَهَن *** لكنهم فرسان


يابا دا نومهم تِقِل *** و بقالُه يابا سنين


كل البشر صحصحوا *** و لسه دول نايمين


يا جحش بطّل هبل *** و بلاش تعيش مغرور


رُكابنا مش أغبيا *** ولا عضمهم مكسور


بُكرة حيصحولك *** و يزلزلوا الحنطور


و تلاقي واقف فى زورك *** تمانين خازوق محشور








عمنا احمد فؤاد نجم


السبت، 25 ديسمبر 2010

حكاية من بلدنا: السبت إنطلاق إولي جلسات مؤتمر القلة المندسة الإلكتروني

السبت إنطلاق إولي جلسات مؤتمر القلة المندسة الإلكتروني

 



تبدأ صباح غدا السبت 25/12/2010 أولي جلسات مؤتمر القلة المندسة الثالث، الموازي لمؤتمر الحزب الوطني العام، وذلك في نفس الوقت الذي ينطلق فيه مؤتمر الحزب الوطني العام، وذلك إلكترونيا(يوم السبت والأحد) علي موقع حركة شباب 6 أبريل، وبحيث تعقد الجلسة الختامية في مقر حزب الجبهه يوم الإثنين 27/12/2010 وذلك بمشاركة نخبة من السياسيين والمتخصصين في كافة المجالات.

ويأتي مؤتمر القلة المندسة هذا العام تحت شعار "من الأراضي المصرية المحتلة" وذلك كتوصيف حقيقي لحالة البلطجة والإرهاب التي نعيشها في ظل هذا الحزب الوطني، وخاصة بعد تزوير الإنتخابات بشكل فج أمام الكميرا، والتي ظهر جليا إن النظام الحاكم يعامل المصريين كأنهم شعب هو يحتلهم ويأمرهم بما يريد.

وسيناقش مؤتمر القلة المندسة في اليوم الأول "علي موقع الحركة"ملفات الفقر والبطالة والوضع الإقتصادي وقضية الحد الأدني للأجور، وقانوني المعاشات والوظيفة العامة، وكذلك ملف التأمين الصحي وحالة المستشفيات والعلاج في المستشفيات الحكومية.

وفي اليوم الثاني "علي موقع الحركة" سيفتح المؤتمر ملفات إنتهاكات إنتخابات مجلس الشعب وكذلك ملفات التعذيب والمعتقلين والحريات العامة والصحفييه وخاصة في ظل قانون الطوارئ، وكذلك ملف التخطيط العمراني،

وفي اليوم الثالث ستعقد جلستين، الأولي علي من خلال موقع الحركة لمناقشة ملفات السياسة الخارجية وخاصة بعد ظهور وثاق ويكيليكس التي يدين بعضها النظام المصري ومؤسسات نافذة وسيادية في الدولة، وكذلك كلمات الشخصيات العامة والسياسية، وكلمات الشباب حول فكرة إزاي نغير مصر.

وتعقد الجلسة الختامية بمقر حزب الجبهه مساء يوم الإثنين 27/12/2010 الساعة 6 مساءا، بحضور قادة الأحزاب والحركات السياسية والشبابية المصرية، وكذلك بمشاركة عدد من المتخصصين في كافة المجالات.



تابعو علي الروابط التاليه


http://6april.org/modules/news/article.php?storyid=1654

http://www.6april.org/anti-ndp/





0102864919
0196458521
0105805657

الأحد، 5 ديسمبر 2010

لي كل من غضب لأرسال مبارك المساعدات لأسرائيل

الي كل من غضب لأرسال مبارك المساعدات لأسرائيل

الرجل يٌساعد أبناءه وأخوانه فى العقيدة من أبناء يهود فلماذا تغضبون مش هو الذى حاصر غزة وتسبب فى قتل ودماء وإشلاء أخوانكم مش هو اللى أغلق المعابر حتى مات الجرحي وماتت الحوامل علناً مش هو اللى مد الغاز ويبنى فى الجدار العازل من أجل اخوانه اليهود مش هو اللى فتح قناة السويس للبوارج الحربية الصليبية فدكت العراق دكا فأصبح ليلها نهاراً ونهارها ليلاً مش هو اللى سمح للقوات الغازية أن تمر لغزو بلاد الافغان فاحتلتها مش هو اللى حرض بوش الخنزير وحذره من الإرهابين ويتبجح بذلك مش هو اللى سجن شباب وعلماء وطلبة علم فى سجنون مصر زمناً طويل ومازالوا مش هو اللى حكم مصر بقانون الطوارىء ثلاثين عام كأنه يحكم دجاج مش هو اللى جعل كرامة المصرى فى التراب وداسوه هو والأمن ومسحوا الأرض والبلاط بالشعب المسكين ومراكز الشرطة والأمن فى مصر عصابة من القتلة المجرمين السفاحين مش هو اللى اخرج عبدة الشيطان من السجن وقال ثلاثة شهور سجن عليهم كثير أما المشايخ وطلبة العلم سنين تحت وطأة الظلم دون سبب ولا يبالى بل يبارك مش هو مش هو مش هو مش هو مش هو حسنى مبارك!! فلماذا تعجبون!! ولماذا تستنكرون!! 
 والان بعد ما اتضحت الخيانه العظمي واتضح ان هذا الرجل يعمل لصالح مخطط اليهود
 قولو لأنفسكم ماذا انت فاعلون

الأحد، 21 نوفمبر 2010

اسئلة حان وقتها

اسئله حان الوقت ان يطرحها كل مصري علي نفسه وعلي من حوله  وابدأ بنفسي

1-  هل انت راض علي ما وصل اليه حال البلد والشعب

2-  هل انت راض عن السياسات التي ادت الي الحال اللذي نعيشه

3- هل تستطيع ان تفصل بين هذه السياسات والقائمين عليها

4- هل تعتقد ان مصر  عاقر  لا تملك غير هذه الوجوه الفاشله 

5- هل هناك فشل اكبر مما يحدث في رغيف الخبز والمرور والتعليم والصحه والاسكان والتوظيف والغلاء

6- هل انت مطمئن علي مستقبلك ومستقبل اولادك في ظل هذه الاوضاع

7- هل تشعر انك مواطن مكتمل الحقوق في وطنك

8- الا تشعر بالغربه داخل وطنك

9- الا يطولك الظلم حتي وانت بين اهلك او في عملك

10- الا يؤلمك الفساد وضياع ثروه هذه الامه

11- الا يطولك هذا الفساد ويمتد لقوتك وقوت اولادك

12- الا تري هذا الارتباط بين الاستبداد والفساد

13- الا تعتقد ان احتكار السلع والثروه ليس اضر من احتكار السلطه

14- الا تري ان مصر تستحق ما هو افضل مما هي فيه وممن اوصلونا اليه

15- كيف تنظر في عيون اولادك وانت تعرف ما ينتظرهم ولم تفعل ما يدفعه عنهم

16- كيف تقف بين يدي الله لتصلي وانت تخشي بطش غيره

17- كيف تنظر لنفسك في المرأة بدون خجل من انك شريك في الكارثه بصمتك

18- كيف تفكر في الهجره خارج وطنك دون ان تبذل جهدا لاسترداد حقك في وطنك

19- كيف تقبل الا تختار من يحكمك او من يمثلك  وتدفع انت ثمن هذا الاختيار

20- كيف تهون عليك حقوقك وكرامتك وحريتك كل هذا الهوان

21- كيف تحتمل ان تكون بقايا انسان

22- متي تعرف ان الشعوب لا تحصل علي حقوقها بالمجان

23- متي تؤمن ان الاسد ليس الا مئات الخراف المهضومه

24- متي تؤمن ان الامم عندما تنهض لا تعرف المستحيل

25- متي تعرف ان مليون نمله تأكل فيلا

26- متي تؤمن ان من صبر كالجمل يغضب كالأعصار

27- متي تعرف ان احد لن يكون فمك اكثر من فمك  فلا يعرف الاه غير فم العليل

28- لماذا لا نغترف من اسباب ضعفنا  اسباب قوتنا

29- لماذا لا نصنع من قسوتهم واستهتارهم بنا انتصار

30- ماذا انت فاعل

من اجمل النكت علي الخاين وعيلته‏





حسني مبارك بالطيارة قرر يرمي 100 جنيه**يفرح بها عائلة مصرية**قالت زوجته: خليهم خمسينتين وفرح عيلتين**قال ابنه: خليهم 25 وفرح أربع عائلات**قال كابتن الطيارة: يا عم أرم نفسك وفرح 70 مليون مصري**.
----------------------------------------------------
**علاء مبارك شارك في من سيربح المليون** .....
**وصل لآخر سؤال، السؤال: من هو أكبر حرامي في مصر ؟**طلب مساعدة صديق واتصل بأخوه جمال **رد عليه جمال: انسحب باللي كسبتوا وما تخسرش أبوك**!!*

*--------------------------------------------------*

*حسنى مبارك راح مدرسه ابتدائى فلما جت فتره الاسئله ولد**رفع ايده**مبارك سأله اسمك ايه ؟ قاله رامى .. فقاله ايه سؤالك يا رامى ؟**رامى** : **انا عندى اربع أسئلة*

*1. ليه انت رئيس بقالك 25 سنه ؟*

*2. لسه معينتش نائب**؟*

*3. ليه ولادك ماسكين كل حاجه فى البلد ؟*

*4. ليه مصر حالتها الاقتصاديه زفت**وانت مبتعملش حاجه؟*

*ساعتها بالضبط رن جرس الراحه وبعد الراحه رجع مبارك وقال**احنا كنا فين يا ولاد؟**مين عنده سؤال؟**ولد صغير تانى رفع ايده فمبارك سأله**اسمك ايه قاله تامر فقاله سؤالك ايه يا تامر ؟**تامر: انا عندى 6 اسئله*

*1. ليه انت رئيس بقالك 25 سنه ؟*

*2. لسه معينتش نائب ؟*

*3. ليه ولادك ماسكين كل**حاجه فى البلد ؟*

*4... ليه مصر حالتها الاقتصاديه زفت و انت مبتعملش حاجه ؟*

*5. ليه جرس الراحه رن ربع ساعه بدري ؟*

*6. وبعدين فين رامى**؟؟؟؟؟؟ !!!!!*

*---------------------------------------------*

*مبارك** : **عارف يا ابليس ياخويا, انا عاوز**اعمل في الشعب المصري حركه تطلع من نافوخهم**أبليس : طب هات ودنك وخد الفكره دي** ....**وش وش وش وش**مبارك** : **لالا يا ابليس الفكره دي مش نافعه , عاوز حاجه**أشد**أبليس : طب خد دي ...... وش وش وش وش**مبارك** : **لالا , برضه مش نافعه , ايه**يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم**ايه**وش وش وش وش وش*

*ابليس : اتقي الله يا راجل حرام *


*-------------------------------------------------------*

*واحد واقف في زحمة المرور لقى واحد متطوع**بيخبطله على شباك السيارة**فتح الشباك وسأله عايز ايه**قاله : الرئيس مبارك خطفوه والفدية 5 مليون دولار**ولو الفدية ماتدفعتش .. الخاطفين هددوا**يدلقوا عليه بنزين ويولعوا فيه**واحنا بنجمع تبرعات .. تحب تشارك ؟**الرجل**سأل** " : **وفي المتوسط الناس بتتبرع بكام**"
**المتطوع : " من 5 الى 10 لتر**بنزين** .*

*
---------------------------------------------------

* *واحد لقى الفانوس السحرى ودعكه**طلعله العفريت**و قالـــه**:** شبيك لبيك تطلب أيه ؟**قاله الراجل** : **أنا عايز كوبرى بين**القاهرة وأسوان**العفريت قاله : دى صعبه قوى .. شوف حاجه تانية**الراجل**قاله** : **خلاص خلى حسنى مبارك يسيب الحكم**العفريت قاله : أنت عايز الكوبرى رايح جاى**ولا رايح بس؟*

*
-------------------------------------------------

* *إخبرنى بصراحة يا نظيف ولا داعى للمجاملة أو**النفاق** .
**نظيف** : **أمرك يا ريس**الريس : أنا الأفضل و لا عبدالناصر ؟**نظيف** : **انت طبعا يا ريس .. جمال مين دا اللى كان بيخاف من الروس** !!
**الريس : طيب أنا الأفضل**ولا السادات ؟**نظيف** : **سادات مين دا ياريس اللى كان بيخاف من الأمريكان** !!
**الريس** : **طيب أنا الأفضل ولا عمر بن الخطاب ؟**نظيف** : **انت طبعا يا ريس .. عمر بن الخطاب كان بيخاف من ربنا ..**... !!!*

الأربعاء، 7 أبريل 2010

إعتقال 87 من نشطاء 6 أبريل..ومنع التليفزيون المصري من التصوير

أكد مصدر أمني بأن قوات الأمن اعتقلت اليوم الثلاثاء 87 من نشطاء حركة 6 أبريل وفضت بالقوة تظاهريتين إحداهما قرب المتحف المصري والأخرى أمام مجلس الشورى احتجاجا على الأوضاع السياسية وللمطالبة بالتغيير.

وقال المصدر أن المتظاهرين الذين رددوا الهتافات المعادية للنظام وللرئيس حسني مبارك ، حاولوا الخروج من الطوق الأمني الذي فرضته حولهم قوات الأمن ما أدى إلى وقوع اشتباكات, وأضاف أن قوات الأمن طاردت المتظاهرين بعد الخروج من الكردون في شوارع وسط المدينة واعتقلت أغلبهم.

وقال مركز هشام مبارك للقانون -أحد المراكز الحقوقية المشاركة في جبهة الدفاع عن متظاهري مصر- إن معظم المشاركين في المسيرة تم احتجازهم في 3 سيارات للترحيلات، السيارة الأولى تحتجز 10 متظاهرين أمام بيتزا هت بميدان التحرير، والثانية أمام مسجد عمر مكرم وتحتجز 17 متظاهرا، بينما تحتجز سيارة الترحيلات الثالثة، أمام جراج كايرو سنتر بجوار مجلس الشعب، 44 متظاهرا.

وأفادت الشبكة أن بعض المعتقلين في سيارات الترحيلات يعانون إصابات بالغة من جراء ضربهم من الأمن أثناء عمليات الاعتقال.

وفي ذات السياق، صادرت الشرطة عددا من كاميرات القنوات الفضائية، ومنعتها من التغطية في منطقة ميدان التحرير ومجلس الشعب، حيث صادرت شرائط وكاميرات قناتي الجزيرة ودريم، وتم اعتقال طارق أبو العلا مخرج قناة دريم والتليفزيون المصري، بالإضافة إلى احتجاز مصور وكالة أنباء رويترز على الرصيف المقابل لمجلس الشعب لمدة ساعة ومنعه من التقاط أي صور للمتظاهرين أو عمليات الاعتقال التي وقعت اليوم.

فيما صرحت مصادر من الحملة الشعبية لدعم ترشيح البرادعي أن أربعة على الأقل من نشطاء الحملة من بين المعتقلين، وهم عبد الرحمن سمير مدير موقع الحملة والمشرف على خطط إطلاق القناة التليفزيونية ومحمد الطيب وتامر عبد الوهاب من القاهرة، وخالد العناني من الإسكندرية.
وصرح الأستاذ فتحى فريد فى مدونته أن من بين المعتقلات جانيت عبدالعليم المدير التنفيذى بالمنظمة المصرية لمناهضة التمييز والناشطه صفا سليمان .

وأضافت المصادر أن الحملة ستقوم بتنظيم وقفة احتجاجية كبرى إذا لم يتم الإفراج عن ناشطيها سريعا، وأكدت المصادر أن الحملة بصدد مخاطبة المؤسسات الحقوقية الدولية للضغط من أجل الإفراج عن المعتقلين.

وأكدت المصادر أن سيارات الترحيلات تحركت بعيدا عن وسط القاهرة، متجهة إلى هيئة تأمين الطرق والمنافذ على طريق مصر إسماعيلية الصحراوي، تمهيدا لإطلاق سراح مجموعة من المعتقلين على خلفيه المظاهرات، إلا أنه تم سحب أجهزة المحمول من المحتجزين، بينما تحركت إحدى السيارات باتجاه معسكر الأمن المركزي بالدراسة.

ومن جانب آخر, لوحظ توقف بث الموقع الرسمي لحركة 6 ابريل على الإنترنت لساعات صباح اليوم الثلاثاء، فيما وصف بأنه حملة أمنية لإيقاف المصدر الأول للأخبار عن الحركة لوسائل الإعلام المختلفة، قبل أن يعود إلى الخدمة لحظات، ثم يتم إسقاطه مرة أخرى.



اسماء المعتقلين

مراد محمود أحمد جاد - خالد عز الدين
أحمد - أحمد شوقي أحمد - سليمان عوني الفاجومي - أحمد محمد فتح الله -
محمد محي فاضل - عبد الرحمن عماد الدين - محمد سعد الله -يوسف عادل.
وتحاول الجبهة الآن على الحصول على باق الأسماء.

 

 

 

 

 

الاثنين، 5 أبريل 2010

دعوه الي ثوار 6 ابريل


غدا بروفة نهاية 30 عاما من الجوع والفقر والمرض والفساد والوسطة والمحسوبية والطوارئ والتوريث والتمديد والتزوير غدا نتخلص من مباركة امريكا واسرائيل فالله معنا

والذى نفسى بيدة لن نتراجع اما ان ننتصر او نموت

 

 

شكلت حركة شباب 6 أبريل غرفه عمليات خاصه لمتابعه سير مسيرة التحرير من ميدان التحرير إلي مجلس الشعب وتناشد حركة شباب 6 أبريل كافة المشاركين في الفعاليه يوم 6 أبريل 2010 متابعتها هاتفيا علي الأرقام التالية ، لتوضيح الوضع الأمني في الشارع 



الي الحريه



الأحد، 21 مارس 2010

إقتحام قوات أمن الدولة لمنزل طالبة بجامعة عين شمس بحثا عن توكيلات تأييد البرادعي

قتحمت قوات من مباحث أمن الدولة منزل الطالبة مها الخضراوى الطالبة بكلية التجارة جامعة عين شمس وفتشتها تفتيشا دقيقا.
فوجئت مها باتصال هاتفى تبلغها فيه امها باتحام عدد 2 من امن الدولة منزلهم وسؤالهم عن مكان مها وعندما نكرت الام معرفتها بمكان انتها تم دفعها بقوة نتج عنها كسر ايد الام كما قاموا بالاعتداء على اخيها الصغير.

وقد تم تفتيش غرفة مها ومصادرة عدد من الكتب والاوراق الخاصة بها بالاضافة الى تهديد الام بانه سيتم القبض على مها

وقد اعربت مها  عما حدث قائلة:-  

مبارح 20-3 و بدل ما اجيب لماما هديه عيد الام جبتلها امن الدوله فى البيت
كنت فى الجامعه عى زى اى يوم سبت و كنا شغالين فى التوقيعات عشان ال 3 بنود الموجودين فى الدستور
لقيت ماما بتصل و منهاره و بتسال انا فين و باعمل ايه و مع مين
المهم ان بعد كده حكت اللى حصل بالتفصيل هو دا
الباب خبط – مين – انا صلاح (البواب) – فتحت قام اتنين ظباط مسلحين زقو الباب و دخلو يسألو فين مها

قالتلهم مها مين؟؟ قالولها اسمى بالكامل – قالتلهم خرجت – فين – معرفش فى لشغل ولا فى الجامعه – فين شغلها؟؟ – معرفش فى مصر الجديده ولا فين – قامو خبطوها بالسلاح اللى فى ايديهم فوقعت على الكنبه و خبطو اخويا الصغير فى راسه و سالو فين غرفتى و دخلو فتشوها و حركو كل حاجه من مكنها و السراير و المكتب و كله
و اخدو ورق كان معايا فى شنطتى لاكتر من جهه
و قالولها هنجيبها يعنى هنجيبها
و سابوها فى حاله انهيار كامل و دراعها مكسوووور و مشيو
بعد شويه بابا عرف و كلم عمى ( هو ليه معارف كتييير فى امن الدوله و الاقسام ) و كلمو كل اقسام البوليس و المباحث الموجوده حوالينا لقو ان الامر مش من قسم من الاقسام و المباحث اللى فى اى منطقه حوالينا

مين دووووول؟
خدو الامر من ميييييييييين؟
ليه مش اخدونى انا على طول بدل الجو دا؟
اشمعنى انا و انا اصلا مش باعمل نص اللى بيعملوة ناس كتيييييييير؟
اللى عنده اى تفسير غير انه مجرد تهويش عشان يخوفونا و يخوفو الناس اللى معايا يقوله
بس على فكره عايزة اقول حاجه
مهما عملو انا هافضل اقول ان حره
و مش بخاف و هاعمل اللى انا عايزاه.





______________

ده كان كلام مها وده اللي حصلها  وده اللي هايحصل لكل واحد ينادي بالاصلاح والتتغيير
المهم ده ثمن الحريه يا تري هنخاف ولا هانكمل




Open in new window

كلنا جنود

بدون تعليق فلا يوجد كلام يعبر عن الذل والهوان